| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 50 | Cic. Luc. 52 () | >>Cic. Luc. 54 |
51quod fieri qui potest ? Omnium deinde inanium visorum una depulsio est , sive illa cogitatione informantur , quod fieri solere concedimus , sive in quiete sive
per vinum sive per insaniam . nam ab omnibus eiusdem modi visis perspicuitatem , quam mordicus tenere
debemus , abesse dicemus . [Note] quis enim , cum sibi fingit
aliquid et cogitatione depingit , non simul ac se ipse
commovit atque ad se revocavit sentit quid intersit
inter perspicua et inania ? eadem ratio est somniorum .
num censes Ennium , cum in hortis cum Ser . Galba
vicino suo ambulavisset , dixisse 'visus sum mihi cum
Galba ambulare '? [Note] at cum somniavit ita narravit 'visus
Homerus adesse poeta ', [Note] idemque in Epicharmo 'nam
videbar somniare med ego [Note] esse mortuum '. itaque simul
ut experrecti sumus visa illa contemnimus neque ita
habemus ut ea quae in foro gessimus .
At enim dum
videntur , eadem est in somnis species eorum quae [Note]
vigilantes videmus .' Primum interest , sed id omittamus ; illud enim dicimus , non eandem esse vim
neque integritatem dormientium et vigilantium nec
mente nec sensu . ne vinulenti quidem quae faciunt
eadem adprobatione faciunt qua sobrii : dubitant haesitant revocant se interdum iisque quae videntur inbecillius adsentiuntur , cumque edormierunt [Note] illa visa
quam levia fuerint intellegunt . quod idem contingit
insanis , ut et incipientes furere sentiant et dicant aliquid quod non sit id videri sibi , et cum relaxentur
sentiant atque illa dicant Alcmeonis 'sed mihi neutiquam cor consentit cum oculorum aspectu '. [Note]
ch. 17
52'| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 50 | Cic. Luc. 52 () | >>Cic. Luc. 54 |
